2018 жылдың 4-мамыр күні Ақтөбе көлік, коммуникация және жаңа технология колледжінде «Волонтерлық қозғалысының тарихы және еріктіліктің әрбір адамның өміріндегі маңыздылығы» тақырыбында студент –жастармен кездесу өтті.
Сал ауруына шалдыққан азаматтарды қолдау қоры Ақтөбе облысының ішкі саясат басқармасының тапсырысы бойынша мүмкіндігі шектеулі азаматтарға ақпараттық-кеңестік қызметтерді көрсету және түсіндіру жұмыстарын жүргізу үшін,«Ақпараттық кеңес» жобасын жүзеге асыру аясында,2018 жылы еріктілік қозғалысы жөніндегі кездесулер өткізуді жостарлаған болатын.
Кездесу модераторлары «Ақтөбе қаласының сал ауруына шалдыққан азаматтарды қолдау қоры» қоғамдық бірлестігінің атқарушы директоры Сражова Гүлмирам, қоғам еріктілері, «Д.А.Р.» еріктілер клубының үйлестіруші-координаторы Елеусізов Әлібек, Қалықбаев Болат.
Кездесу барысында жастарға еріктілік қозғалысын дамытудағы тарихы, басты мақсаты және міндеттері туралы және еріктілік қандай себептерден туындайтындығы, негізгі бағыттары туралы ақпарат берілді.
«Д.А.Р.» еріктілер клубының үйлестіруші координаторы Елеусізов Әлібек: «Біз өз жүрек қалауымен еріктілік қозғалысына қатысқан әрбір азаматты құрметтейміз!Бүгінде біздің ортамызда жоғарыда аталған қасиеттерге ие қарапайым қала тұрғындары, мемлекеттік және бизнес құрылымында қызмет етуші азаматтар, жоғарғы және орта арнаулы оқу орындарының студент жастары қосылуда. Ерікті азаматтар бойында мынадай қасиеттері болуы тиіс. Бұлар:Адамдарға ниет білдіру, жаны ашып, есіркей білу;Дұрыс мағынада болу: ақылға жеңдіре білу, жол бере білу, тәжірибелік біліктілік, командада жұмыстана білу; Адалдық, жүйелілік, бірізділік, парасаттылық және сенімділік тәрізді қаксиеттер болуы тиіс» - деп тұжырымдады.
Қатысушы студент жастар волонтерлық қозғалыстың дамуы туралы сұрақтарға жауап алды. Кездесу соңында волонтерлық қозғалысты дамытудағы ортақ жұмыс атқару үшін өзара үш жақты меморандум қабылданды.
