2020 жылдың 11 мамырынан бастап мүмкіндігі шектеулі адамдардың өмірлік мәселелер сұрақтары бойынша ақпараттық-консультативтік қызметтер көрсету бойынша on-line "Қоғамдық қабылдау " қызметін жарияладық.
"Қоғамдық қабылдау" жұмысы 2001 жылдан бері жүзеге асырылып келеді. Қабылдау барысында түрлі тақырыптағы сұрақтар талқыланады. Соның ішінде еңбек саласындағы, отбасылық, тұрмыстық жағдайға байланысты, тұрғын үй жағдайына байланысты өзекті проблемалар қарастырылады. Сонымен қатар, біздің құзыреттілігімізден тыс, біздің қарастыру аямызға жатпайтын да сұрақтар бойынша да көптеп өтініштер келіп түседі. Дегенмен, оларды шешуден бас тартпаймыз, мүмкіндік аясында шешімін табуға тырысып, өзге де мекемелерге, ондағы мамандарға жүгіне отырып, күрделі сұрақты шешуге, нақты консультация беруге жұмыстанамыз. ҚР-ның Конституциясы бойынша барлық азаматтардың құқықтары тең.
Жалпы алғанда "Қоғамдық қабылдаудың" міндеті, Ақтөбе облысының ішкі саясат басқармасының @aktobe-saiasat мемлекеттік әлеуметтік тапсырысын дұрыс ұйымдастыру барысында, "Қоғамдық қабылдау" қызметіне арнайы әлеуметтік салада тәжірибесі мол мамандар, заңгерлер, психологтар және өзге де мамандардың көмегі мен консультациясына мұқтаж нақты сұраныс білдірген адамдарға қолдау көрсету бағытында ұйымдастырылады. Бұл қызмет мемлекеттік әлеуметтік тапсырыс аясында асырылып отырғандықтан, есеп беру жүйесі бар. "Қоғамдық қабылдау" ондаған жылдардан бері жүзеге асырылып отырылғандықтан, барлық мүмкін болар сұрақтарға аса жіті дайындықпен, нақты мамандарды жұмылдыра отыра, сіздердің сұрақтарыңызды жауапсыз қалдырмауға, егер де кейбір өтініш білдірген азаматтар арасында заң аясына шақ келмейтін сұрақтармен келгендері де болады, сондай азаматтардың бәріне де, шешімі бар немесе жоқ болса да жауабын беруге, түсіндіруге, өзге шешім жолдарын көрсетуге даярмыз. Мұның бәрі "Қоғамдық қабылдаудағы" кәсіби жоғары деңгейдегі мамандардың көмегімен жүзеге асырылып келеді.
"Қоғамдық қабылдау" телефоны: 8 (71-32) 7764-25, 8-701-56-59-59-0 (вацап желісі)
Сайт: aktobe-live.kz
